Effekten av bodskapsappellar og slagord ved sponsa annonsering på Instagram

Abstract

Oppgåva tek føre seg bruken av bodskapsappellar og slagord ved sponsa annonsar på Instagram. Bakgrunnen for temaet ligg i ein interesse vedrørande merkevarebygging og retorikk i sosiale medium. Over tidene har ein sett ein nedgang i bruken av slagord på sosiale medium, noko som vidare vekka ein interesse til bodskapet sin rolle ved annonsering på Instagram. Dermed blei problemstillinga «kva slags effekt har bruk av bodskapsappellar og slagord ved sponsa annonsering på Instagram?». Gjennom studien ønskja ein å få nærmare innsikt i kva som kjenneteiknar effektiv kommunikasjon ved annonsering av låg-involveringsprodukt på Instagram. Ved dette området såg ein nærmare på effekten av bodskapsappellar og slagord. Studien ønskja følgjande å sjå nærmare på kva som påverkar effektar av slagord, med utgangspunkt i framstillingsmetodane bilete og caption. Det teoretiske rammeverket la grunnlaget for dei avhengige og uavhengige variablane ein såg nærmare på i studien. For å undersøke problemstillinga, såg ein nærmare på bodskapsappellar og slagord sin effekt på dei avhengige variablane liking og kjøpsintensjon. Utførte studiar og teori på området legger grunnlaget for undersøkelsesspørsmål og hypotesane ein ønskja å få nærmare innsikt i. For å undersøke hypotesane og undersøkelsesspørsmåla nærmare, blei det gjennomført eit kausalt eksperiment. Eksperimentet manipulerte stimuli i form av bodskapsappellane emosjonell og rasjonell, samt visuell framstilling av slagord. Deretter utførte ein analyser ved hjelp av programmet jmp. Her nytta ein seg av analysane deskriptiv statistikk, variansanalyse, t-test og lineær regresjon. Funna frå analysane viser at rasjonell appell blei føretrekt overfor ein emosjonell appell, der denne hadde størst effekt på både liking og kjøpsintensjon. Vidare hadde alder ingen signifikant effekt på liking av desse. Analysane gjev indikasjonar om priming effekten av slagord ved framstilling ved bilete, spesielt ved liking av merkevare og evne til framkalling av slagord. Ved dette området viser emosjonelle slagord ved bruk saman med ein rasjonell appell seg gjeldande. Av analysane kan ein konkludere med at val av bodskapsappell kan påverke effektivitet av annonsar, der bruk av slagord ved visuell framstilling i bilete kan gi signifikante effektar på liking av merkevare og evne til framkalling.